Óþarfi að reka iðnskóla ef ódýrt erlent vinnuafl fæst

Til hvers að vera að reka iðnskóla þegar hægt er að fá erlent ódýrt og réttindalaust vinnuafl til þess að vinna verkin?

Það er orðum aukið að sækja þurfi iðnaðarmenn til útlanda,það er stór hópur íslenskra iðnaðarmanna sem vantar vinnu.

Staðreyndin er hinsvegar sú að verktakar moka inn ódýru erlendu vinnuafli til þess að lækka hjá sér rekstrarkostnað og þar með lækkar kaupið hjá íslenskum iðnaðarmönnum sem því nemur.

Samtök Atvinnulífsins,Samiðn og Byggiðn spila með,sem er ekki undarlegt því SA er ánægt með lækkandi rekstrarkostnað fyrirtækja og stéttarfélögin fá iðgjöldin.

Farið hefur verið fram á að fá upplýsingar frá þessum aðilum um hversu margir íslenskir iðnaðarmenn hafi yfirgefið landið frá hruni og hversu margir erlendir "iðnaðarmenn" hafi fengið atvinnuleyfi,en þessu hefur ekki verið svarað.

Einnig var send fyrirspurn til þessara aðila um vinnustaðaeftirlit sem Samiðn og SA standa fyrir og spurt um hversu margir hefðu verið staðnir að því að vera réttindalausir síðan eftirlitið hófst.

Svörin voru þau að þessar upplýsingar væru ekki til!

Þrátt fyrir að bylgja af málaferlum sé að ganga yfir vegna handvammar og illa byggðum húsum er ennþá verið að flytja inn ódýrt vinnuafl án tilskilinna réttinda.


Spyr.is óskaði eftir því að Samtök Iðnaðarins (SI) myndu svara eftirfarandi spurningum:

Samkvæmt Hagstofunni voru starfandi iðnaðarmenn á Íslandi 19.200 árið 2012.  Til samanburðar voru 22.500 iðnaðarmenn starfandi tíu árum áður, árið 2002 og litlu færri árið 2007 en þá störfuðu 21.300 iðnaðarmenn á landinu.  Í tölusafni Hagstofunnar er ekki hægt að sundurliða upplýsingar miðað við ríkisfang iðnaðarmanna, þ.e. að athuga hve margir þeirra eru með erlent ríkisfang.

Spyr.is óskaði eftir því að Samtök Iðnaðarins (SI) myndu svara eftirfarandi spurningum:

“ 1. Hvað eru margir starfandi iðnaðarmenn (smiðir,rafvirkjar,píparar,málarar og sv. frv.)á landinu í dag?
 
2. Hvað eru margir erlendir iðnaðarmenn á landinu í dag?

3. Hvað er talið að þurfi marga iðnaðarmenn til starfa á næstu 1-5 árin?

SI vísaði fyrirspurninni til Hagstofunnar, en á vef Hagstofunnar er hægt að draga saman ýmsar upplýsingar og skoða eftir mismunandi vegu.  Þó ná upplýsingar Hagstofunnar ekki yfir þá sundurliðun sem óskað er eftir hér að ofan.

Spyr.is mun því halda áfram að kanna hvaða upplýsingar eru til varðandi ofangreint og óska eftir liðsinni frá öðlum aðilum á vinnumarkaði.  Hins vegar rakst Spyr.is á nokkra athyglisverðar tölur við skoðun málsins:

Fjöldi iðnaðarmanna.

Fjöldi iðnaðarmanna er mjög svipaður á tíu ára tímabili en skoðuð voru þrjú ár:

2002: 22.500 iðnaðarmenn

2007: 21.300 iðnaðarmenn

2012: 19.200 iðnaðarmenn

Verkefnum fækkar.

Hins vegar hefur verkefnum fækkað verulega á tímabilinu.  Ef tölur ur fasteignaskrá ríkisins eru til dæmis skoðaðar má sjá að allt frá árinu 1995 fjölgaði skráðum íbúðum á landinu jafnt og þétt á hverju ári.  Sem dæmi má nefna fjölgaði íbúðum á Íslandi um 1.349 talsins miðað við árið áður.  Fimm árum síðar var þessi fjölgun 1.522 íbúðir á ári.  Árið 2005 fjölgaði skráðum íbúðum um tæplega þrjúþúsund og nær síðan hámarki árið 2007 þegar íbúðum fjölgar um tæplega fimmþúsund.

Þetta breytist hins vegar mjög hratt eftir hrun.  Tölur ná þá aðeins til ársins 2011 en fjölgun íbúða á milli ára, hættir að teljast í þúsundum því fjölgun skráðra íbúða á milli ára teljast frá tæplega fjögurhundruð íbúðum í tæplega áttahundruð fleiri íbúðir:                                                                                                                                                             2009 = 699 fleiri íbúðir en árið áður.

2010 = 790 fleiri íbúðir en árið áður.

2011 = 394 fleiri íbúðir en árið áður.

Hlutfallsleg launalækkun iðnaðarmanna.

Með tilliti til þess að fjöldi iðnaðarmanna helst nokkuð svipaður á skoðuðu tímabili en verkefnum fækkar, er hægt að velta fyrir sér hver launaþróun iðnaðarmanna er.

Launatafla Hagstofunnar yfir regluleg heildarlaun (fullvinnandi) sýnir að árið 2002 voru þau laun hjá iðnaðarmönnum 14,2% hærri en regluleg heildarlaun fullvinnandi að meðaltali (allir).  Þessi munur er orðinn lægri árið 2007, en þá eru iðnaðarmenn með 7% hærri en regluleg heildarlaun fullvinnandi og árið 2012 hefur þessi munur lækkað í 4,8%.

Regluleg heildarlaun – fullvinnandi (Hagstofan)

Árið 2002:  allir að meðaltali 240.000 krónur / iðnaðarmenn að meðaltali 274.000 krónur

Árið 2007:  allir að meðaltali 368.000 krónur/iðnaðarmenn að meðaltali 394.000 krónur

Árið 2012:  allir að meðaltali 474.000 krónur/iðnaðarmenn að meðaltali 497.000 krónur

Hvort fjöldi erlendra iðnaðarmanna hafi aukist verulega á tímabilinu, með þeim áhrifum að laun hafa lækkað hlutfallslega, skal ósagt látið.

Hins vegar mætti velta því fyrir sér hvort fjöldi iðnaðarmanna og hlutfallsleg lækkun launa iðnaðarmanna, sé vísbending um að erlendum iðnaðarmönnum hafi fjölgað verulega, á sama tíma og laun iðnaðarmanna hafa lækkað og verkefnum fækkað?

Spyr.is mun fylgja eftir fyrirspurn lesanda og óska eftir liðsinni aðila til að skoða málin nánar.

Uppruni greinar á Spyr.is

 Tengt efni:Íbúðum hættir að fjölga eftir hrun 

 

Mun færri læra húsasmíði