Viðskiptavinir streyma frá MP-banka

Ég fann þennan banka fyrir nokkrum árum og líkaði sérstaklega vel við hann og alveg einstaklega líkar mér vel við netbankann,svo komu nýir eigendur að bankanum (Skúli Mogensen og kó) og þar með breyttist allt saman,enda eru þeir steinhættir að senda manni gæðakannanir,þarna er kominn banki með sérkennilega viðskiptastefnu,ólíkt öðrum bönkum þarf maður að greiða afnotagjald fyrir að fá að vera viðskiptavinur,þetta á víst að verða banki atvinnulífsins,sem er reyndar í rúst,en núna streyma fjölmargir kúnnar frá MP banka...og hann fer á hausinn eftir smá tíma...þvílíkir viðskiptasnillingar þarna á ferð!


360.is - ókeypis smáauglýsingar

Icesave: Ólafur Ragnar skar okkur niður úr snörunni!

Þeir sem vilja veg ríkisstjórnarinnar meiri,kjósa einfaldlega Þóru,en nú eru miklar líkur á að Icesave-málið illræmda vinnist gegn ESA,Ólafur Ragnar skar okkur niður úr snörunni á sínum tíma,ekki gleyma því,höldum okkur í samtímanum og verum ábyrg og kjósum Ólaf Ragnar sem næsta forseta Íslands...!

Hérna til hliðar eru niðurstöður úr útvarpsþættinum Reykjavík síðdegis á Bylgjunni 18 maí s.l. en þar er venjulegt fólk úr öllum stéttum þjóðfélagsins sem svarar spurningunni: Hvern af eftirtöldum viltu sjá sem forseta Íslands næsta kjörtímabil?

Ólafur Ragnar Grímsson er þar með 56% atkvæða.

Ég held að þetta verði raunin þegar upp verður staðið...!

Viðskiptastríð: timburmenn gegn gjafabréfum

Svissneska byggingavörukeðjan Bauhaus opnar verslun hérlendis á laugardaginn næstkomandi.  Starfsmennirnir hafa síðustu vikur unnið hörðum höndum að því að taka á móti vörum og raða í hillur í 22 þúsund fermetra verslun við Vesturlandsveg.

Bauhaus heldur risaopnunarhátíð á laugardaginn næstkomandi 5.maí og kl.7 að morgni verður byrjað að dreifa happdrættismiðum með veglegum vinningum semsagt gjafabréfum fyrir samtals 1,5 milljónir,þannig að maður þarf að vera morgunhress og drífa sig í gleðina.

Viðskiptastríðið er skollið á milli byggingavöruverslana á höfuðborgarsvæðinu.

Húsasmiðjan lætur ekki bugast og býður fagmönnum til matar og drykkjuveislu í verslun sinni í Hafnarfirði að minnsta kosti á Föstudaginn 4.maí kl. 17.00. en á boðsmiða sem iðnaðarmönnum barst segir meðal annars:

"Hamborgarabúllan sér um veitingarnar og þeir hjá Vífilfelli sjá um að skaffa okkur eitthvað gott til að skola þeim niður með!

Bjór og snafs að hætti Dana fyrir þá sem vilja!"

Svo að vopnin eru greinilega timburmenn á móti gjafabréfum.

Sjá frétt á 360.is

360.is - Nýtt útlit og áherslur á vefnum

360.is  kynnir til sögunnar breytt útlit og uppbyggingu á vefnum,þar sem meiri áhersla er lögð á smáauglýsingar.

Skilvirkara smáauglýsingakerfi fyrir ókeypis smáauglýsingar.

Nú er auðveldara að setja inn auglýsingar,þar sem mögulegt er að breyta,skoða og eyða smáauglýsingu að vild og getur notandinn einnig sett þær í viðeigandi flokk.

Áhrifaríkt er að setja mynd með smáauglýsingu,en hún birtist þá efst á forsíðunni.

Nú geta allir auglýsendur sent smáauglýsingarnar á Facebook,Google + og Twitter.

RSS - streymi er fyrir allar smáauglýsingar og er slóðin hérna


Hönnuður að smáauglýsingakerfinu og forritari er Sumarliði Einar Daðason www.smali.is

Skrifum á undirskriftalistann fyrir þjóðaratkvæðagreiðslu!

Dögun hefur hleypt af stokkunum undirskriftarsöfnun til að skora á Alþingi að láta fara fram þjóðaratkvæðagreiðslu um framtíðarfyrirkomulag við stjórn fiskveiða. Verði Alþingi ekki við áskoruninni verður hún ásamt þeim undiskriftum sem safnast færðar forseta Íslands sem áskorun um að synja staðfestingar nýjum lögum um stjórn fiskveiða.

Hægt er að skrifa undir hér: http://www.xdogun.is/askorun/

Umsögn Dögunar um kvótafrumvarp ríkisstjórnarinnar má lesa hér. Dögun gefur málinu rökstudda falleinkunn.

Þóra á ekkert erindi á Bessastaði

Þóra á ekkert erindi á Bessastaði,hún er of ung,hún er allt of meinlaus,hún þarf að einbeita sér alveg 100% að hagsmunum þjóðarinnar,sem veitir ekki af,hún verður með hóp af börnum sem þurfa að fá 100% athygli líka,svo verður þetta aukakostnaður fyrir okkur skattborgara vegna stórrar fjölskyldu sem þarf sérmeðferð,allt gott um Þóru að segja,gaman væri samt að vita hver skyldi hjálpa henni með 30 milljónir til þess að fjármagna framboðið,er það Samfylkingin eins og sumir vilja meina,en hún ætti að bíða með þetta og reyna eftir svona 16 ár!

Vorkennum forhertum stríðsglæpamanni

...dæmi um hvernig umhyggjunni er misskipt og dreift á ranga staði,þessi maður var einn af þeim sem stóð fyrir því að ráðast inn í ríki (Írak) á forsendum lyga og uppspuna og drepa þar tugi ef ekki hundruði þúsunda,þarna var notuð nákvæmlega sama aðferð og þegar Adolf Hitler hóf seinni heimstyrjöldina og réðst inn í Pólland...

Hjarta grætt í Dick Cheney

Blómabörn fagnar 3 ára afmæli - ódýr föt á börnin

Blómabörn er verslun með notaðan barnafatnað og var opnuð 14.mars 2009 og er því verslunin 3 ára. Eigandi er Arnbjörg Högnadóttir. Verslunin er staðsett að Bæjarhrauni 2 í Hafnarfirði. Það hefur verið nóg að gera og jákvæð viðbrögð frá byrjun,ekki síst vegna kreppunnar.

Afmæliskaffi er í tilefni dagsins,nammi handa börnunum og 10% afsláttur,allt í tilefni af 3 ára afmæli Blómabarna.

Búðin er opin suma Laugardaga en það er nánar auglýst á Facebook undir nafninu Blómabörn Barnafataverslun.
Arnbjörg kaupir notuð barnaföt af fólki á kílóverði og hafa viðtökur verið mjög miklar og góðar,fötin eru öll yfirfarin og straujuð og eru sem ný.

Opnunartími:

Mán - Fös:

12:00

-

16:30

Blómabörn er með landsbyggðarþjónustu.

Verslunin er á Facebook undir nafninu Blómabörn Barnafataverslun.

Grein af 360.is

Byggingabransinn kjaftaður upp eins og fleira?

Skortur á Iðnaðarmönnum?
Er 1.apríl í dag eða hvað? - Það er undarleg fyrirsögn,hvernig getur verið skortur á iðnaðarmönnum,þegar engin eru verkefnin,það kom t.d. fram í fjölmiðlum nýlega að árið 2012 verði enn verra en árið 2011 hvað varðar verkefnastöðuna á landinu og einnig er hið opinbera að draga enn frekar saman í verklegum framkvæmdum,svo að þetta passar illa...!

Það vill svo til að Vinnumálastofnun stendur fyrir því að auglýsa á vef sínum,eftir ódýru vinnuafli.
 
Ég er sjálfur búinn að upplifa þetta og fleiri,því þau fyrirtæki sem þarna auglýstu og ég hafði samband við vegna atvinnu,voru að bjóða langt undir lágmarkstöxtum,en það er skýrt brot á kjarasamningum.
 
Það er þannig að þessi fyrirtæki auglýsa ekki í öðrum fjölmiðlum,sjálfsagt til þess að láta reyna á það fyrst,hvort ekki fáist ódýrt vinnuafl í gegnum vef VMST,en það virðist vera sem VMST sé ekkert að athuga hvort verið sé að fylgja kjarasamningum eða brjóta á skjólstæðingum þeirra.
 
Það virðist ekki vera samstarf á milli stéttarfélaganna og VMST varðandi þessi mál.
 
Það hefur verið talað um það manna á milli að það fækki lítið atvinnuauglýsingunum,því munurinn á milli lágmarkslauna og atvinnuleysisbóta sé svo lítill.
 
Svo er annað,þegar verkefni þrýtur þá  senda vinnuveitendur þá heim fyrst sem eru á hæstu laununum,í sumum tilfellum hafa útlendingar á lágum launum gengið fyrir vinnu og íslendingarnir verið sendir heim.
 
Stéttarfélögin eru alveg handónýt og lömuð í þessum málum,ef bent er á einstaklinga sem eru ekki með réttindi,þá benda þau bara á verktakana og segja að þeir eigi að sjá til þess að hlutirnir séu í lagi.

Svona er nú komið fyrir hagsmunafélögum iðnaðarmanna.

Dögg Pálsdóttir lengir skuldasnöruna

Það hefur komið fram áður í fjölmiðlum að Dögg Pálsdóttir lögmaður,flokksbundinn Sjálfstæðismaður og fyrrverandi varaþingmaður Geirs Haarde,tregðast við að greiða a.m.k. 31 milljónar króna skuld við Saga verktaka þrátt fyrir að bæði Héraðsdómur og síðar Hæstiréttur hafi dæmt svo um að hún skuli greiða þessa kröfu.

Það nýjasta af þessu máli er það að hún fór til umboðsmanns skuldara og sótti um meðferð hjá honum sem var einungis til þess fallin að komast í "skjól" í nokkra mánuði á meðan hún upphugsaði næstu leiki enda býsna glúrin og ráðagóð kona Dögg Pálsdóttir að því er virðist.

Umboðsmaður skuldara hafnaði hinsvegar umsókn Daggar um meðferð,enda ekkert skrýtið þegar maður lítur á forsögu málsins.

En Dögg Pálsdóttir lætur sér ekki segjast,hún kærði þennan úrskurð umboðsmanns skuldara,sem er nú út af fyrir sig stórundarlegt að skuli vera mögulegt,svo að þarna náði hún sér í  nokkra aukamánuði í viðbót í plottið.

Það verður spennandi að sjá hvað hún ætlar sér að gera þegar þessi aukabiðtími hennar er liðinn og þegar sýslumaðurinn heldur áfram þar sem frá var horfið með að innheimta kröfuna hjá Dögg.

Hér fyrir neðan má sjá greinar Fréttatímans um málið:

Landsdómari skrapp í skuldaaðlögun til að sleppa við skuld

„Þetta er auðvitað algjört grín að manneskjan skuli geta sótt um skuldaaðlögun til að sleppa við að borga skuldir sem búið er að dæma að hún eigi að borga. Ég er svekktur út í umboðsmann skuldara fyrir að hleypa henni inn til sín,“ segir verktakinn Orri Blöndal en hann hefur undanfarna mánuði reynt að fá hæstaréttarlögmanninn og landsdómarann Dögg Pálsdóttur til að greiða 31 milljónar skuld við Saga verktaka, fyrirtæki Orra og Sumarliða Más Kjartanssonar. Saga verktakar stefndu Dögg vegna vanefnda á samningi sem hún gerði við félagið í tengslum við vinnu í Hátúni 6. Héraðsdómur Reykjavíkur dæmdi Dögg til að greiða 31 milljón í desember 2009 og Hæstiréttur staðfesti dóminn síðastliðið sumar. Þegar komið var að skuldadögum hjá Dögg lýsir Orri atburðarásinni þannig:
 
„Það var fundur hjá sýslumanni á mánudegi þar sem hún sagðist eiga íbúð og vildi fá þrjár vikur til að meta hana. Hún slapp þannig við árangurslaust fjárnám og gjaldþrot. Sýslumaður sagðist sjálfur ætla að meta íbúðina og gaf viku frest. Föstudaginn á eftir sótti hún um skuldaaðlögun og þar með er hún hult næstu mánuði. Ég veit ekki hvað ferlið hjá umboðsmanni tekur langan tíma. Ætli það séu ekki átta mánuðir í bið og síðan þrír mánuðir í úrvinnslu. Á meðan er hún ósnertanleg. Ég veit ekki hvað ég að gera til að fá þessa peninga. Á ég að setjast fyrir utan hjá umboðsmanni skuldara og bíða?“ spyr Orri.
 
Svanborg Sigmarsdóttir, talsmaður umboðsmanns skuldara, segir í samtali við Fréttatímann að allir sem sæki um skuldaaðlögun séu í greiðsluskjóli þangað til umsókn sé synjað eða kominn á samningur. Þeir sem sækja um skuldaaðlögun eftir 1. júlí næstkomandi fá ekki greiðsluskjól, að sögn Svanborgar.
 
Dögg er meðal átta dómara í landsdómi sem bíður það verkefni að dæma Geir H. Haarde. Hún var skipuð í dóminn í maí 2005 og rennur skipunartími hennar og sjö meðdómenda hennar út í maí. Hún vildi ekki tjá sig um málið þegar Fréttatíminn leitaði viðbragða hjá henni.

Slóðin á fréttina http://www.frettatiminn.is/frettir/landsdomari_skrapp_i_skuldaadlogun_til_ad_sleppa_vid_skuld/

Greiðsluaðlögun annað form á gjaldþrotameðferð

Brynjar Níelsson, formaður Lögmannafélags Íslands

 Lögmannafélag Íslands hefur áhyggjur af því að lögmenn í greiðsluaðlögun uppfylli ekki þau lagaskilyrði um lögmenn er varða lögmannsréttindi. Lítill munur sé á greiðsluaðlögun og gjaldþrotameðferð.
 
„Hefði greiðsluaðlögun verið þekkt er ekki ólíklegt að á þeim tíma sem lög um lögmenn voru samþykkt árið 1998 hefði hún verið tekin inn í aðra grein í þriðja kafla laganna þar sem fjallað er um lögmannsréttindi. Þar er eingöngu minnst á gjaldþrot en auðvitað er greiðsluaðlögun bara annað form á gjaldþrotameðferð,“ segir Brynjar Níelsson, formaður Lögmannafélags Íslands.
 
Félagið hefur fjallað um þetta mál að undanförnu og segir Brynjar að menn þar á bæ hafi áhyggjur af því að trúverðugleiki stéttarinnar bíði hnekki ef ekkert er aðhafst í málinu. „Við höfum rætt þetta innan félagsins og velt því fyrir okkur hvort við eigum að óska eftir lagabreytingu. Trúverðugleiki lögmanna verður að vera hafinn yfir allan vafa. Það þarf hins vegar lagabreytingu til að breyta þessu og það er eingöngu á færi Alþingis,“ segir Brynjar.
 
Hann segist þekkja þess dæmi að lögmenn hafi nýtt sér úrræði á borð við greiðsluðalögun. „Ég veit hins vegar ekki hversu stórt vandamál þetta er í lögmannastéttinni. Það liggur hins vegar ljóst fyrir að staða fólks í greiðsluaðlögun er ekki glæsileg og varla er hægt að segja að
 einstaklingar sem notfæra sér slík úrræði hafi forræði yfir sínum fjármunum,“ segir Brynjar.
 
Fréttatíminn greindi frá því fyrir skömmu að hæstaréttarlögmaðurinn Dögg Pálsdóttir hefði sótt um greiðsluaðlögun hjá umboðsmanni skuldara stuttu áður en gera átti fjárnám hjá henni. Þar með komst hún í skjól fyrir 31 milljónar króna skuld sem hún var dæmd til að greiða tveimur verktökum sem höfðu unnið fyrir hana. Dögg getur því sinnt lögmennsku næstu mánuði í friði fyrir öllum skuldum – allt þar til ljóst er hvort umboðsmaður skuldara samþykkir umsókn hennar eða ekki. Dögg hefur ekki viljað tjá sig um eigin stöðu – segist ekki tjá sig um fjármál sín í fjölmiðlum.

Slóðin á fréttina: http://www.frettatiminn.is/frettir/greidsluadlogun_annad_form_a_gjaldthrotamedferd/


Þess má geta að Dv.is birti grein um málið en hún var svo tekin niður eftir svona sólarhring eða svo,sem er mjög sjaldgæft hjá vefmiðlum og mjög undarlegt og engin skýring gefin á.

Góð kaup fyrir börnin, hvað haldiði að fötin hafi kostað?

Nú er hægt að kaupa ódýr og falleg föt á börnin.

Blómabörn er verslun með notaðan barnafatnað og var opnuð 14.mars 2009 . Eigandi er Arnbjörg Högnadóttir. Verslunin er staðsett á Bæjarhrauni 2, í Hafnarfirði.

Barnafatabúðin Blómabörn opnaði þann 14.Mars 2009,að Bæjarhrauni 10,en er nú flutt í glæsilegt húsnæði að Bæjarhrauni 2,spölkorn frá gamla staðnum,það hefur verið nóg að gera og jákvæð viðbrögð frá byrjun,ekki síst vegna kreppunnar.

Einnig er opið suma Laugardaga en það er nánar auglýst á Facebook undir nafninu Blómabörn Barnafataverslun.

Fötin eru öll straujuð og yfirfarin og aðeins eru seld heil og vel útlítandi föt.

Arnbjörg kaupir notuð barnaföt af fólki á kílóverði og hafa viðtökur verið mjög miklar og góðar.

Opið: MÁNUDAGA - FÖSTUDAGA  frá 13-16.30 - Sími 6161412

Skoðið myndband sem ánægður viðskiptavinur setti á Youtube.

Rafmagnslaust nokkrum sinnum á ári

Það var rafmagnslaust í Hafnarfirði í gærkvöldi í u.þ. b. klukkutíma.

Það er orðin staðreynd að rafmagnið fer af 2-3svar á hverju ári,en ekkert var minnst á þetta tilfelli í fréttum á RÚV,sem á að vera öryggistæki fyrir landsmenn,en Vísir og Bylgjan standa sig í stykkinu eins og vanalega og birtu fréttir af þessu og greindu frá því að HS Orka útskýrði málið ekkert frekar um ástæður bilananna,en það voru gerðar að minnsta kosti 3-4 tilraunir til þess að slá inn rafmagninu áður en það loks tókst eftir um klukkutíma.

Ríkisútvarpinu þykir sjálfsagt að síendurtekið rafmagnleysi í Hafnarfirði sé það nauðaómerkilegur og sjálfsagður hlutur að ekki taki því að greina frá því.

Búið að sópa þrisvar,mætti sópa víðar

Fyrir tveimur dögum síðan,fór vélgötusóparinn um götuna mína hér í Hafnarfirði og aftur í dag,tvær umferðir,það er gott að hugsað sé svona vel fyrir því að ekki sjáist skítur og óhreinindi á götum bæjarins,en það var hinsvegar ekkert sérlega óþrifalegt hér við götuna þegar sóparinn hamaðist.

Ef allt er svona hjá bænum,þá skal engan furða að skuldabagginn sé eins og hann er.....

Samráðsleysi gagnrýnt í Hafnarfirði

360.is - Telur Icelandic Express brjóta lög

Vefnum hefur borist tölvubréf frá aðstandanda ungs drengs sem ferðaðist með flugfélaginu Icelandic Express.
Það er eftirfarandi:

14 ára unglingur sem er að ferðast einn frá Osló til Keflavíkur fór út á flugvöll kl. 11.00 í morgun að íslenskum tíma. Eftir að hafa beðið á flugvellinum í 6 klst. án þess að fá vott né þurrt,þá var honum smalað ásamt öðrum farþegum inn í rútu og keyrt með farþegana til Gautaborgar þar sem flugvél átti að koma þeim til Íslands.

Þegar komið var til Gautaborgar þá fengu farþegar appelsínudjús og ristað brauð og tilkynnt að ekki yrði flogið fyrr en á morgunn. Semsagt 14 ára drengur færður á milli landa án samþykkis forráðamanna og látinn fá hótelherbergi í ókunnugri stórborg og kemst vonandi til Íslands á morgunn...

Express gefur ekki upp nein símanúmer sem að hægt er að ná í félagið eftir kl. 16.00 á laugardögum og ákvörðunin um að ferja alla var tekin 16:30 þegar ekki var neinn til að kvarta til lengur.

Flugáhöfnin er á öðru hóteli en farþegarnir þannig að það er enginn sem tekur ábyrgð á einu eða neinu.

Express er að brjóta ótal lög bæði alþjóðalög, að flytja ólögráða einstakling á milli landa, og Evrópusambandslög þar sem IExpress er að brjóta á réttindum farþeganna samkvæmt evrópulöggjöfinni varðandi bætur um aðhlynningu við seinkanir. Þegar þeir fluttu farþegana til Svíþjóðar þá skuldbundu þeir sig til þess að virða evrópulöggjöfina, sem þeir eru að brjóta.

Sigurbjörn L. Þrastarson.

Greinin birtist á vefnum 360.is

11.sept.hversu margir hafa dáið vegna USA?

...með virðingu fyrir þeim látnu,af hverju er það talið vera svo merkilegt,að talið er,að  ca. 3000 manns,sem dóu vegna meintra hryðjuverka íslamískra hryðjuverkamanna, þennan dag í og á ,WTC, sé meira og dramatískara heldur en dauði alls þess fólks sem hefur látið lífið vegna afskipta USA,í Afhganistan,Írak,Pakistan,Jemen og svo framvegis...hver getur og hver vill telja líkin..?

Myndaði í kjölfar árásanna